الأحد 2022/9/25 توقيـت بغداد
07901195815-07707011113    albaynanew@yahoo.com
جريدة يومية سياسية عامة مستقلة
لا ترتبط بحزب أو حركة أو جهة دينية أو سياسية
صاحب الإمتياز
ورئيس مجلس الإدارة ورئيس التحرير
سعدون الساعدي اذا توقفت الحفلات الشعبية سأغني بالنوادي اليلية
سعدون الساعدي اذا توقفت الحفلات الشعبية سأغني بالنوادي اليلية
حوارات
أضيف بواسـطة albayyna
الكاتب
النـص :

فنان شعبي وصل قلوب العراقيين من خلال طيبة قلبه واخلاقه وروحه الرياضية ودمه الخفيف بمدة   قليلة وبفترة قياسية استطاع ان يحقق نجاحات واسعة حيث قاموا بدعوته في عدة دول عربية واوربية وذلك بسبب النجاح الذي وصله اشتهر من خلال اغنية صمون 10 بألف واصبح محبوب الكثير من الجماهير من خلال مفرداته الجميله والمصطلحات المضحكة حورانا مع سعدون الساعدي.

حوار /  حسين كامل


* ( صمون 10 بألف ) هيي المقوله التي سببت شهرة سعدون الساعدي ؟
_ نعم صمون هي سبب شهرتي والناس عرفت سعدون الساعدي من خلالها .
* في وقتنا الحالي نلاحظ ان سعدون الساعدي شخص مختلف في حفلاته عن السابق حيث قام بترك اغنيه صمون 10 بألف؟ 
_ بالبدايه الانسان لازم يطور من نفسه واني مجالي لازم اطور من عنده ميصير ابقه على اغنيه وحده فقط بس مهما صار اني ابقه مطرب شعبي كوميدي .
* يقال ان سابقا كان اجر سعدون الساعدي 200 الف دينار فقط والان اجر الساعدي 3000$ ؟ 
_كذب هذا الحجي اني في السابق وهسا الاجر مالتي نفسه على الحفلات والفقير مناخذ من عنده واكثر شي المحافظات اخذ 8 ورقات .
* تصريح لسعدون الساعدي ان جميع برامج الكامره الخفيه متفق عليها ؟ 
_ نعم جميع برامج الكامره الخفيه الي عملت معي كان جميعها متفق عليها من قبل المقدم والضيف .
*  في البدايه سعدون الساعدي كان رادود حسيني بعدها اصبح مطربا ؟
_صحيح حولت لمجال الغناء لان الخط الحسيني يرادله اخلاص مع الحسين (ع) واني مو اختصاصي المنبر.
* سعدون الساعدي هل اصبح مطرب الحفلات الليلية ؟
_ كذب هذا الحجي اني فنان شعبي اغني حفلات واعراس شعبيه وفقط بمناسبات قليله اغني في القاعات براس سنه صعدت في قاعات اربيل لكن لا توجد راقصات والقاعه جانت فقط عوائل .
* ماهي اعمال سعدون الساعدي ؟
_والله هواي اعمال عندي ( صمون 10 بالف ) ( دصورني ياعطواني ) ( الرمي العشوائي) ( اختناق) ( المخدرات ) .
* رفض الفنان علي جاسم والفنان مصطفى العبدالله دخول سعدون الساعدي شركه نجوم الدار البيضاء؟ 
_ماكو هيج شي بالعكس الولد كلش يحبوني واني احبهم اخوتي ذول وانتشر عندي عمل على الدار البيضاء مع الفنان كريم حواس اختناق .
*  في تصريح لفنان عراقي قال ان سعدون الساعدي بعيد جدا عن الفن ولا يجب ان يكون فنانا ؟ 
_لا اني فنان شعبي في مناطق شعبيه افرح الناس واضحك الناس الفقره معليه باليحجون عليه بس اني فنان .
* تصريح لجلال الزين فتره الي توفت بيها زوجته ومشاكل انت سحبت البساط من عنده ( حفلات التخرج) خرج وقال اني الاول واني في الصداره والباقي تقليدي ؟ 
_كلمن ياكل رزقه الله يوفق الجميع وجلال الزين اخوي ان شاء الله وهو  فنان قديم واله جمهوره ومحبيه واني هم الي جمهوري ومحبيني .
* في مهرجان بابل دعي جميع فناني العراق ليغنوا على المسرح ليش ما دعوا سعدون الساعدي ؟ 
_حظي المصخم وعلي بس اني فنان شعبي يعني عادي ذا مدزوا عليه مو مشكله .
* سعدون تفكر بيوم من الايام راح تصعد في النوادي الليلية ( ملاهي ) وتصبح مطرب ( ليلي)؟
_ما اعرف بعد هذا القرار يمي بس الله يبعدنا واذا توقفت الحفلات الشعبيه اروح لنوادي الليله لان هذا يعتبر باب رزقي .
* هل تفكر في يوم من الايام الاعتزال عن الغناء ؟
_ابداً ما مفكر ولا افكر بهذا الشي لان هذا المجال هو  باب رزقي اني وعائلتي.

المشـاهدات 295   تاريخ الإضافـة 16/08/2022   رقم المحتوى 37410
أضف تقييـم